EBSCO, nje kompani e mirënjohur nga USA si ofruesi kryesor i teknologjisë së bibliotekave digjitale dhe librave elektronikë, në bashkëpunim me RASH- Rrjetin Akademik Shqiptar dhe Ministrinë e Arsimit dhe Sportit organizoi, në datën 11 tetor 2022, eventin “U-Library 2020-22: Biblioteka digjitale universitare” për Institucionet e Arsimin e Lartë dhe Kërkimt Shkencor në Shqipëri. Event i mbajtur në ambientet e Hotel "Hilton Garden Inn Tirana".

Në event Zv. Ministrja për Arsimin e Lartë dhe Shkencen znj. Albana Tole përshëndeti organizatorët dhe pjesmarrësit nga bota akademike ndërsa Menaxheri Rajonal i EBSCO’s, z. Doğan Küsmüş bëri një prezantim të projektit 3 vjeçarit në bashkëpunimin me RASH për krijimin e U-Library për ofrimin e shërbimeve të biblotekës digjitale për universitet publike dhe institucionet kërkimore në Shqipëri.

Më tej Dr.Arjan Xhelaj ,Drejtori i Përgjithshem i RASH tregoi punën e bëre për implemtimin e U-Library si dhe u diskutuan mbi tematika që përfshinin edhe projektet e ardhshme të EBSCO në Shqipëri. Në diskutime u përfshinë aktorë të ndryshëm si kërkues shkencorë, pedagogë të universiteteve, përfaqësues nga Ministria e Arsimit e të tjerë grupe interesi.

Në mbyllje të këtij takimi Menaxheri trajnimeve të EBSCO, Uğurcan Özkan, mbajti një sesion informues rreth teknikave të kërkimit të literaturës bashkëkohore për një përvojë më efektive kërkimore.